Canolfan Hyfforddiant

Beth Rydym yn ei Wneud

Mae ein fferm a chanolfan hyfforddi 35 erw yn darparu cyfleoedd dydd, hyfforddiant seiliedig ar waith a gweithgareddau llesiant i bobl ag anableddau dysgu, gan eu harfogi â’r sgiliau, y profiad, yr hyder a’r cymwysterau sydd eu hangen arnynt i wireddu eu potensial a chyflawni eu nodau.

Mae’r ganolfan yn cynnig ystod eang o weithgareddau a chyfleoedd sydd wedi’u teilwra i anghenion, diddordebau a dyheadau’r bobl rydym yn eu cefnogi. Trwy weithgareddau dyddiol ystyrlon, hyfforddiant seiliedig ar waith a phrofiad ymarferol, mae pobl yn magu hyder, yn datblygu sgiliau ymarferol ac yn cynyddu eu hannibyniaeth, gan eu grymuso i wneud dewisiadau cadarnhaol, cyfrannu at eu cymunedau a chyflawni eu huchelgeisiau personol.